Seite 10 von 13
HEIMAT
Es liegt sou zwüsche Barg un Tol
ä Städtle o die Frankesool,
äs is scho zwölefhunnert Jahr bekannt
als Perle do im Frankenland.
Un o sei Barg do wöchst dar Wei.
än guete Tropfe is dos fei,
wenn dar so durch die Gurgel rollt,
do spürschte gleich dos blanke Gold.
Un a dos liewe Wiesetol,
dos wu sou nawe o die Sool,
dos mäicht dos Herz sou richtig frei.
un surgt für Hemweh nuwebei.
Un a die Wälder auf die Höäh,
die mache die Umgäiget schöä.
wie so ä Krone san se aus,
als wöllte se weit ouwenaus.
Un o die Häng sou hiegesträht.
do sen die Äcker mit Geträd.
un Krumbern, Klee un Obst wöchst durt,
es is fürwohr en schöäne Urt.
Drüm meent mer gleich, mer is gewiss
sou mittedin im Paradies,
Drüm hengt mei Herz sou üwervoll
om Städtle o die Frankesool.
Hermann Zahner